हाईकू

बाल कोपिला
अक्षरको बगैँचा
क,ख फूल्दैछ

read more

गजल

किन ? प्रेम गर्दैनन् चराहरू
पुतली बनाउछन् आहाराहरू

आफ्नै बुबा,आमा हत्या गर्न
तयार छन् यहाँ हत्याराहरू

खोज्नेले नै सजिलो खोजे पछि
सधै आई रहन्छ अप्ठ्याराहरू

पानी खोज्छन् बगरमा प्यासीहरू
तिर्खाएका छन् आफै धाराहरू

read more

ताङ्का

रातो दहमा
मग्मगाउदी फूल
तिर्खाले फूल्यो
तप्प तप्प चुहिदै
स्नान पर्खि रहेछ ।

read more

आर्ट ग्यालरी

अचम्म !
दरबारको भित्ताहरूमा
स्क्यान गरेर झुण्डाईएको
बादशाहको तस्बीरहरू
उक्काएर / पल्टाएर
भुईमा खसाल्यो चित्रकारले

अब
कहिल्यै देखिने छैन
बादशाहको तस्बीरमा
पोतिएको रंगहरूमा
हाम्रै रगत र पसिनाहरूको रंग मात्र चम्किरहेको

यही बादशाहको तस्बीरले

शहिदको सपनाको रंगहरू
विधुवाको सिन्दुरको रंगहरू
केटाकेटीको मुस्कानकों रगहरू
आमाको सपनाको रगहरू
सबै फिक्का बनाई रहेको थियो

टुक्रा टुक्रा टुक्राउदै तस्बीर
च्यात्दै जफाउदै आगोको भुङग्रोमा
पुत्ला जलाएर उडाई दियो
कुन्नि के झोक चल्यो चित्रकारलाई

त्यस पछि
आर्ट ग्यालरीको क्यानभाषमा
नयाँ रंङगहरू पोख्यो
खुब ब्रुशले रंङगायो
मिलाएर ईन्द्रेणी पोट्रटेहरू

बिल्कुलै
नयाँ चित्र बनायो
गाढा मुस्कानहरूको
गुलाबी बिहानीहरूको

अहा !
कति सुन्दर देखिदो रहेछ देश
चित्रहरूमा / रङ्गहरूमा 

read more